👈 қаріп өлшемі 👉

  Өлеңдер ✍️

  22.11.2021
  10


Автор: Гүлжауһар Сейітжан

Айналасың бір тынбай

Айналасың бір тынбай
Шырша маңын қуанып.
Төгетұғын күлкіңді-ай
Шаттығыңа суарып.
Есітемін түрлі үнді...
Билеп жүрсің көлбеңдеп.
Осы күйің бір күнгі
Маған он күн болды еңбек.
Сөйлей алмай лепіріп,
Еге алмай ойға егін.
Тіктім ұзақ отырып
Жаңа жылдың көйлегін.
Етек-жеңін зерледім,
Кеудесіне гүл тігіп.
Олпы-солпы жерлерін
Қайта істедім мың тұрып.
Бантигіңнің шетіне
Алтын шашақ тақтым да,
Сәйкес қылып бетіңе
Бөлеп қойдым ақ нұрға...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы