👈 қаріп өлшемі 👉

  Өлеңдер ✍️

  22.11.2021
  16


Автор: Гүлжауһар Сейітжан

Жетердей-ақ

Жетердей-ақ,
Жүруге күшің анық,
Жер тепкілеп,
Мамаңның құрттың да әлін,
Қалтиып,
Тұрсың жерге түсіп алып,
Айқайыңа қаратып жұрттың бәрін...
Көп дырдуды бір сенің даусың басып,
Бірі күлсе,
Изейді бірі басын.
Әрбіреуге бір қарап, аузыңды ашып,
Бері тартсам,
Кейінге бұрыласың...
Қызық-ау қылығың да,
Мінезің де,
Қайсарлық танытуға жарағаның.
Билігі дүниенің бір өзіңде,
Көнбейсің,
Болмаса егер қалағаның...
Қамқорлықтың бүгінгі түрі мынау,
Шаршатты да,
Еріксіз жалбарындым.
Шыныменен бұл сенің, құлыным-ау,
Белгісі ме адам боп қалғаныңның....


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы