👈 қаріп өлшемі 👉

  Өлеңдер ✍️

  22.11.2021
  14


Автор: Гүлжауһар Сейітжан

Ана жырлары

(Жанарыма)

Таң атты ғой,
Ояншы, құлыншағым,
Оян енді, боташым, балам, гүлім.
Балалықтың жетелеп шырын шағын,
Келді, міне, Жаңа жыл саған бүгін...
Қанған шығар ұйқың да, жарығым-ау,
Қарасаңшы даланың аппақ қарын...
Ауладағы баланың бәрі мынау,
Айтып жүр ғой Жаңа жыл тақпақтарын...
Дариясында думанның жүзіп бәрі,
Құлаш ұрып жүргендей қияға шын.
Оян, күнім,
Жаңа жыл қызықтары
Көкірегіңе сенің де ұяласын...
Қалған уақыт жүрмесін аздық етіп,
Қонақтармен бүгінгі жолығалық.
Аяз ата алдында тағзым етіп,
Үлгірейік Ақша қар қолын алып...
Ояна ғой,
Ояншы, күнім менің,
Шаттық назын ойнатсын үнің, демің.
Тілегі көп ортада күлімде мың,
Толтырмай-ақ ұйқыңның бүгін кемін...
Бастады өмір сен үшін ,
Жолға шықтың,
Табиғаттың жазына жалғас қысы.
Бастамасы болғай-ақ зор бақыттың,
Сен қарсы алған жылдардың алғашқысы...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы