👈 қаріп өлшемі 👉

  Өлеңдер ✍️

  22.11.2021
  13


Автор: Гүлжауһар Сейітжан

Әйел

Әйел,
Атың марапатқа кенде емес,
Бола аласың еріңе де, елге де ес.
Өзің жаққан шаңырақтың шаттығы
Дауыл тұрып,
Қан жауса да сөнбеді еш.
Әйел деген атың сенің жылылық,
өмір өзі сенен көп сыр жүр ұғып.
Бәрі саған қарайтындай
Күн жаққа
Күнбағыстар қарағандай бұрылып.
Күлкің сенің Күн нұрындай шуақты,
Жасампаздық тек өзіңнен ту апты.
Қажет болса биіксің сен бәрінен,
Қажет болса өзіңнен жоқ қуатты.
Әйел, атың марапатқа кенде емес,
Бере алмайсың өз жолыңды пендеге еш.
Сен өсірген бәйтерегін ешкім де
Дүниеде еш бәйтерекке тең демес.
Шаңыраққа сен арқылы құт кіріп
Көркейерін келеді өмір ұқтырып.
Сені ылғи пір тұтады сондықтан,
Саған бәрі бас иеді тік тұрып.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы