Өлеңдер ✍️

Өмір өтіп барады зулап ағып,
Жастық шақтың жалынын ұрлап алып.
Егде тартқан байсалды болашағым
Есігімнен қарайды сығаланып.

Алай-дүлей ішім тұр жалын мұңдап,
Ертеңіме бүгінім қолын бұлғап.
Қайта айналып келмейтін көктемедей
18-ді 30-ым бағындырмақ.

Өкініш жоқ. Дей алман аласардым,
Отызымда төрт рет ана атандым.
Осы жолды айнымай таңдар едім,
Мейлі өткенге айналып тағы апарғын.

Белгілі ғой енді менің жасармасым,
Көңілімнің білемін тасынбасын.
Етегімнен тартқылап бой бермеген,
Ал қош келдің құтты боп 30 жасым!