Өлеңдер ✍️

Сенің надандығыңнан,
кеудемде қалды қапа-мұң..
Сенің жамандығыңнан,
өмірге шындап наламын.
Сенімен бірге,
жек көріп кеттім әп-сәтте
жарықты мынау..
жалғанды тілдеп, сабадым..
Бейкүнә Әлем,
жаралы күйде,
жарамды үнсіз таңады..
Сенің орныңа жауапкершілік,
мойнына алып алдымда,
Ақтағандай боп,
жақтағандай боп,
шарасыз жаймен қарады..
Қылмыстарыңа,
қатысы мүлде болмаса-дағы қорғаштап,
Шерімді бөгеп,
жабырқау жанды жұбатуға да жарады..
Ал өзіңнен,
оясыздықтан өзге түк шықпады,
өкінішті!..

Жанар Ешназар