👈 қаріп өлшемі 👉

  Өлеңдер ✍️

  21.11.2021
  36


Автор:  Жанар Ешназар

Өзің жоқ жерде

Мен саған сезім сыйладым,
Сен оны ала-алдың ба?
Қиятын жерде, қимадым,
Бос жолды жағаладым да..

Мен сенен үміт көп күттім,
Түндерді жалғап таңдарға.
"Енжарсың!"- десем,жігітім,
Сөкпе де мені, шамданба.

Мен саған хаттар көп жаздым,
Ойлансын деген ниетпен.
Ұқпадың кейпін пәк наздың,
Менмендік алды иектеп.

Ойымды ашық айта алдым,
Болсам да нәзік о, бастан.
Жасқадың, жүзім қайтардың,
Жылылау лебіз қимастан.

Мен сені текке ұнатып,
Желпінген жоқ ем,беталды.
Сөзімді айтқан мұқатып,
Қомсынған тұрқың есті алды.

Түсін сен,мейлі түсінбе,
Айтарым саған әлі көп.
Мені емес..
шатты мүсірке,
Өзің жоқ жерде,ол да жоқ..

Жанар Ешназар
17/05/2021


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы