👈 қаріп өлшемі 👉

  Өлеңдер ✍️

  21.11.2021
  35


Автор:  Жанар Ешназар

Ынтық көңіл

Дертім меңдеп,
мазам кетіп..
қиял,елес қуалай.
Тағы отырмын бұ жалғанның сынағына шыдамай.
Сағыныштан жүрек сазып, кеуде тулайды екен ғой,
Саған ессіз ынтықтырып қойған мені, Құдай-ай!..

Бойсұнғысы келмей көңіл, бөтендігің ескермей.
Жанарымды жұмсам бейнең тұрар бақыт кешкендей.
Бұл неғылған алапат күш, құштарлықтың жалыны,
Өзегімді жарып шыққан жанартаудай, дес бермей?!..

Менен рұқсат, келісім де сұрамаған өрт сезім.
Шарпып өтті өн бойымның қуыстарын,бөлшегін.
Тәкаппар, сақ, әншейінге міз бақпайтын көңілім,
Жалыныңа еріп кетті, білмей дерттің өлшемін.

Бейнең кетпей, есіл-дертім сені ойлаумен сенделдім.
Тілгілейді тәтті уайым өзекшесін кең демнің.
Сен жайында ойды қусам көз алдымнан, санамнан,
Шаншу болып қадалады, сол тұсына кеудемнің..

Жанар Ешназар
11/06/2021


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы