👈 қаріп өлшемі 👉

  Өлеңдер ✍️

  21.11.2021
  53


Автор:  Жанар Ешназар

МҰҢ

Айтасың кімге зарыңды,
Көкейден қуат, от кетсе.
Бір адам сені мұңайтып,
Бір адам сені қор етсе..

Жаныңа медет дегенің,
Жүрсе егер бөлек қастаса.
Қуаныш сыйлау орнына,
Мұңдарға көміп тастаса.

Бұ да бір сынақ адамға,
Көрмесің көрмей өлмейсің.
Татпастан өмір ащысын,
Тәттіге көңіл бөлмейсің.

Не деген ауыр адамның,
Жаныңды жаралағаны.
Мән бермей жүрем дегенмен,
Тоздырар қайғы қараңы.

Бұл күндер бекер түспеді-ау,
Шақшадай қайран басыма.
Бір күні кетем мұңдардан,
Тыныштық ертіп қасыма..

Жанар Ешназар
25/07/2021


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы