👈 қаріп өлшемі 👉

  Өлеңдер ✍️

  21.11.2021
  37


Автор:  Жанар Ешназар

Күткен жанмын

***
Күткен жанмын босағасы аялдама,
Не күткенім тек өзіме аян ғана.
Көрген күнім түсім болса қуанар ем,
Ұмытылып кететұғын оянғанда.

Өзгерусіз қашанғы бұл тұрмақ жайым,
Ғаріп қылма қу жанымды құрғақ уайым.
Күнсіп қалдым Күннен күлкі күтіп жүріп,
Күңірентіп кетті қолын бұлғап Айым.

Тыншымаған жүрек борсып таппай жайды,
Қабағымды шатты шақтан қақпайлайды.
Жанарыма жинап алдым салқын шықты,
Қуаныштар қалғып кетті-ау, бақпай қойды..

Жанар Ешназар
11/08/2021


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы