Өлеңдер ✍️

  16.11.2021
  113


Автор: Кеңшілік Мырзабеков

Кеттің ұшып құс секілді

Кеттің ұшып құс секілді,
Көргеніміз түс секілді,
Қорқам бірақ жоруға.
Рақаты көп тұс секілді,
Қылмысы жоқ іс секілді,
Қалқам, бірақ соңында
Суға шайған нәл секілді,
Тарағанмен, бар секілді
Денемізде дағы әлі.
...Түн түндігін қанша түрді,
Қайта еңкейді, қанша өкінді,
Жазды уақыт жараны.
Құс секілді қайта қондың,
Қайта қондың, қайда қондың?..
Қайран өмір қақтығыс.
Қырды шарлап, ойда жүрдің,
Тәлкегін-ай, тәйірі, өмірдің,
Тәтті дүниең – тәтті түс.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу