Өлеңдер ✍️
Өлеңдер ✍️
16.11.2021
170
Өмір – сынақ, өмір – сабақ, әрине
Өмір – сынақ, өмір – сабақ, әрине,
Оқисың да тоқисың ғой бәрін де.
Мың мехнат, мың машақат жатады
Сол оқу мен сол тоқудың мәнінде.
Махаббатты мехнаттан іздерміз,
Жүрегінде түгі барлар – Біздерміз.
Мың өліп, мың тірілерміз, сондықтан
Өмір сүрдік дей аламыз Сіз бен Біз.
Өмір сүру, өмір кешу мәніне
Жеттім деген жан көрмедім әлі де.
Тойдым деген жан көрмедім және де
Махаббаттың ащы, тәтті дәміне.
Өмір сүру күю-сүю әлі де
Сан ұрпақты салар әрі-сәріге.
Махаббаттың топырағына гүл өсер,
Қадіріне жетіп, түсін мәніне.
Кеңшілік Мырзабеков Кеңшілік Мырзабеков өлеңдері Кеңшілік Мырзабеков шығармашылығы өмір сынақ сабақ мехнат
Әлеуметтік желілерде бөлісіңіз:
Facebook | VK | WhatsApp | Telegram | Twitter