Өлеңдер ✍️

Той -томалақ бітпесін қазағымда,
Жаным -ау, осы тоймен сен алыспа,
Ат шаптырып, көкпар тартып ,
Тойлаған жақсылығын бабалар да.

Айтылған талай дастандарда,
Ақан сері, Алпамыс, Қобыланды да.
Тойың тойға ұлассын деген сөз бар,
Жақсылық болып жатса бұл жаман ба?

Балалары әспеттеп ата-ананы той жасаса,
Ана мен әкеде арман болмас бұл ғаламда.
Тәрбиелік мәні зор мұныңдағы,
"Құрмет" деп білемін бұл қарттарға.

Болмас еді өткізу қарттар үйіне,
Тәлім- өнеге болса осындай үйінде.
Жұмақ кілті ананың аяқ астында
Деп босқа айтпаған кезінде.

Сондықтан сен қарсы болма тойға,
Қалмайық дұрыс емес деген ойда.
Той - құдайдың қазынасы дейміз біз,
Шығынсыз келген несібе дарымас бойға.

Кірісте кіріп жатар үйіліп сонда,
Жақсы мен ырыс тұрса босағада.
Бауырым жамандықты сен шақырма,
"Шашубай халық" деп, бізді сен атама.

Тойдан неге қаштың сен сонша,
Болмаса болмасын ресторанда.
Құда-жекжат сағынып,қауышатын.
Ағайындар бас қопай ма осы тойда.

Уақыт тапшы қым-қуыт мына заманда,
Қарсылықсыз барайық шақырғанаға.
Қуанышты бөліссең көбейеді,
Той болсыншы ,тек жақсылық қазағымда