Өлеңдер ✍️

  15.11.2021
  134


Автор: Кеңшілік Мырзабеков

Айдан анық

Ақынның сезіміндей сиқыр бар ма,
Бағынбас цитаттарға, цифрларға.
Күш бар ма, құдірет бар ма ақынға тең
Күмбірлеп кеудесінен күй туғанда?
Бұл өзі таңғажайып ғажап болмыс,
Қылдай бір кірбіңіңнен азап көргіш.
Шар болат кейде бірақ шамырқанса,
Басына тамұқ туғыз, тозақ келгіз!
Қорықпайды қыпылықтап, тайғанақтап,
Қаруға қарсы жүрер қойған оқтап.
Өйткені жүрегінде кіршігі жоқ
Ол адал,
Айдан анық – Айдан аппақ.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу