Өлеңдер ✍️

Былтырғы ағаш қайтадан биыл көгерді,
Жапырағы көктеп, бұтағы түгел теңелді.
Айналасында көбелек қаптай жөнелді,
Жаратылыс-ай, көрмедім сендей шеберді?!
Менің де биыл былтырғы жарам жазылды,
Жүзімнен сынық сейілттім мұңды, әжімді.
Келістіруі-ай кешегі менен қазірді,
Жаратылыс-ай, көрмедім сендей уәжімді?!
Адам мен ағаш сонда да бірақ бір емес,
Адамның көңілі көктеген ағаш бүрі емес.
Жазылған жара, қайдан білесің, сол шығар,
Бақыт дегенің, бақыт дегенің мұң емес.