Өлеңдер ✍️

  06.11.2021
  112


Автор: Кеңшілік Мырзабеков

Өмір – түйткіл

Өмір – түйткіл.
Жаңа-жаңа аңғардым,
Көбі-көбі алдамшы екен арманның.
Көбі-көбі көбік екен сезімнің,
Көбі-көбі рас екен жалғанның.
Олай деген дүниең кейде былайлау,
Тұнық деген дүниең кейде ылайлау.
Ұлағат па деп қалғаның ұрандау,
О, ғажайып, сонда да бұл Ұлы өмір
Таразысын тең таратады, біле-біл.
Таразының тастарымыз, орныңды
Біле білу, нағыз өнер, міне, бұл.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу