Өлеңдер ✍️

  06.11.2021
  264


Автор: Кеңшілік Мырзабеков

Ертелі-кеш ертеңімді ойлаймын

Ертелі-кеш ертеңімді ойлаймын
Қандай рахат, кездесер деп қандай мұң.
Қандай рахат, болса дағы қандай мұң,
Қарсы алудан қаймықпаймын, танбаймын.
Қарсы аламын.
Тағдыр ма, әлде талан ба,
Рахат пен мұң екі бет қой медальға.
Рахат пен мұң жат болмаса екен тек
Адамзаттың қоғамында адамға.
Сонда, сонда
Мұңның рахат кезі бар,
Рахаттың да артар салмақ, тезі бар.
Рахатыңның сыйла бәрін ертеңге,
Қайғы-мұңның бәрін-бәрін өзің ал.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу