Өлеңдер ✍️
  05.11.2021
  135

Автор: Кеңшілік Мырзабеков

Үміт

Сенерім жалғыз сен ғана
Кеудемнің қоңыр күмбірі.
Сәбиім болып жол қара,
Бармақтай бағың бір күн.
Жарқ етіп саған жолығар
Тал түсте бір таң туғандай.
Таңдайың сенің толы бал,
Маңдайы оның нұр болғай.
«Бәтір-ау, біздер мұнша уақ
Табыспай қайда жүрдік» деп,
Жанарларыңды бір шылап
Жаңа бір жайсаң тірлік боп,
Уыздай ұйып жөнелер
Бәрі кеп бұрау күйіне.
Дәл айтсам бар ғой мен егер
Бұл – үміт дейтін дүние.


  Кеңшілік Мырзабеков Кеңшілік Мырзабеков шығармашылығы Кеңшілік Мырзабеков өлеңдері үміт

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Шешемнің бір хаты ᐈ
  Адам бір кейде... ᐈ
  Әжеміздің айтқаны ᐈ
  Ақ көйлек ᐈ
  Алатау бөктері ᐈ

Пікір жазу