Өлеңдер ✍️
  05.11.2021
  131

Автор: Кеңшілік Мырзабеков

Таңғы шықтай тал түбіне ұйыған

Таңғы шықтай тал түбіне ұйыған,
Тағдыр білер, қайда барып бұйырам?..
Өзегіңді жарып шыққан, әйтеуір,
Ей, табиғат, бір өзіңе сиынам.
Құмға сіңір, мекенім жер лайым,
Көлге жеткіз, меруерт боп тұнайын.
Ей, табиғат, сен анасың, бір тамшың
Зая кетсе, жалғыз саған уайым.
Тамшы туар, шырағданың, шырайың,
Аман болсын қара Жерің, Күн, Айың!
Мен – балаңмын, сені біреу мүсіркеп,
Аяр болса, жалғыз саған уайым.


  Кеңшілік Мырзабеков Кеңшілік Мырзабеков шығармашылығы Кеңшілік Мырзабеков өлеңдері таң Шық

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Телефонда ᐈ
  Тобық ᐈ
  Үміт ᐈ
  Шешемнің бір хаты ᐈ
  Адам бір кейде... ᐈ

Пікір жазу