Өлеңдер ✍️

Төбеде жүзген бұлттарға
Төменнен қарап сұқтанба!
Жел тұрса зеңген жан-жаққа
Салмағы бұлттың салмақ па?..
Жетелеп жүрген жол бәлкім,
Тағдырың шығар жел бәлкім.
Суымнан ұшқан бу едің,
Шығарсаңдаршы жер даңқын.
Бармаған жерің жоқ шығар,
Баспаған тауың жоқ шығар.
Бір күні жерге құлайсың,
Талмай-ақ жүзген топшылар.
Жауасың жерге бір күні,
Қақ болып сосын іркіліп,
Сіңесің құмға су болып,
Шығасың гүл боп құлпырып.
Бұлттар-ай деймін ер көңіл,
Жылайсың бір күн боркемік.
Бұйрық заң сүйреп бәріміз
Құлаймыз қара жерге бұл.
Табиғат тең қып жаратқан
Төбеде жүзген сен де бір,
Төменде жүрген мен де бір.