Өлеңдер ✍️
Өлеңдер ✍️
05.11.2021
137
Сіздің ауыл аспанында
Сіздің ауыл аспанында
Әлде жаңбыр, әлде қар.
Қалың тұман қас-қағымда
Түсті ме екен жолды орар?..
Сіздің ауыл ат байлай ма
Белдеуіне боз үйдің?..
Бойжеткендер қатты ойнай ма
Қылын бұрап сезімнің?..
Ауылыңды сұрай-сұрай,
Елден естіп тапқасын,
Білдіріп кеп ұяң шырай,
Байла, қалқам, ат басын.
Сәті түсіп жол болмаса –
Ата-енеңнен именіп,
Жұрттан бұрын, ең болмаса,
Көрпеше сал үйге еніп...
Әлеуметтік желілерде бөлісіңіз:
Facebook | VK | WhatsApp | Telegram | Twitter