Құттықтау, тілектер ✍️

Кішкентай қызымызға өмірдегі бар жақсылықты тілейміз. Әрдайым көз қуанышымыз болып, аман–есен ортамызда жаздай жадырап, гүлдей құлпырып жүре берсін. Ең бастысы, қазақтың қызы деп атқа лайық болсын.


«Киімге жамау түссе де, көңілге жамау түспесін» деген. Ендеше, үнемі көңілі жақсылықтан жадырасын.

--------------------------------------

ТУҒАН КҮНІҢ құтты болсын, жан қызым,
Айшам менің еркелеген сəн қызым.
Ата-анасын жетелейтін жұмаққа,
Алтыннан да қымбат маған əр қызым.

Қызым менің қызғалдағым, тұңғышым,
Бойжетіп сен келесің міне, жұлдызым,
Денсаулығың мықты болсын, жүрегім,
Орындалсын арман-ойың, тілегің.

Қызым менің қызғалдағым, шырайлым,
Саған бақыт жаратқаннан сұраймын.
Иман нұры жүрегіңді толтырып,
Тура жолмен жүре бергің, арайлым.

Күн нұрындай жайнай берші, жарқыным,
Қуанышқа толы болсын əр күнің.
Денсаулығың мықты болып, ауырмай,
Аман-есен көз алдымда жүре берші, алтыным.

Қабыл етіп Аллам осы дұғамды,
Ұзақ болсын ғұмырың əрі мəнді,
Жақсы оқы сабағыңды, озат бол,
Ата-анаңнның саған деген тілегі сол.

------------------------------------

Қызыма 34 жасқа туған күніңмен құттықтау

Ай нұрындай жарқыраған ару қызым,
Маңдайыма біткен сен бақ жұлдызым.
Әрқашанда қасымнан табылатын,
Баға жетпес байлығым, дәру қызым.

Құтты болсын жаңа жасың, туған күнің,
Лүпілдесін тоқтамай жүрек үнің.
Отыз төрт жас сыйласын бар бақытын,
Қуанышта жалғасып әрбір күнің.

Бақ сыйласын жарығым гүлді көктем,
Күндерің сенің көп болып күлімдеткен.
Арайлы таң шуағын сыйлап саған,
Ал күндерің көп болсын нұрын төккен.

------------------------------

31 жасқа, қызыма туған күнге тілек

Айым, күнім, жұлдызым жарқыраған,
Күліп жүрсең жан қызым бақыт маған.
Құтты болсын отыз бір жасың келді,
Шын жүректен құттықтайды сені анаң.

Жүзіңнен күлкі кетпесін жарық күнім,
Құтты болсын бал қызым туған күнің.
Бар жақсыны тілеймін бір өзіңе,
Қуанышта өтсін деп әрбір күнің.

Нұрлы жүзің мұңаймасын, күлімдесін,
Бұл өмірдің сындары білінбесін.
Жаңа жасың бар бақытын сыйлап саған,
Сәтсіздіктер терезеңнен үңілмесін.