👈 қаріп өлшемі 👉

  Өлеңдер ✍️

  28.10.2021
  49


Автор: Жанна Елеусіз

Құс көрмеймін қаланың аспанынан

Құс көрмеймін қаланың аспанынан…
қайда кеткен қанатты туыстарым?..
жылу іздеп жапанның тастарынан,
паналай ма үй асты қуыстарын…

бүлкілдетер секемшіл бүйректі не…
бұлбұл тұтқын билікке, бұлғын – дәрі…
уысынан жем беріп үйретті ме,
сәулетті үйдің дәулетті тұрғындары…

қарлығашым, қанаттас кептерлерім,
қайда жүрсің еркіңмен ұшып-қонбай?..
саңғып кеткен қыран құс бөктерлерін,
жалап-жұқтап, жағып жүр пысық торғай…
құс көрмеймін қаланың аспанынан…

Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы