Өлеңдер ✍️

  25.10.2021
  87


Автор: Исраил Сапарбай

Көкейтескен

Дала – менің көңілім де,
Тау – еңсем!
Алда-жалда Ақ ордама, жау, енсең:
Тақ – төріме тағзым жасап,
Еріксіз
Есік жақтан еңкейерсің əуел сен.
Шалқақ кеуде,
Апайтөстер небір дөй
Əуреленген не кете алмай, не кірмей.
Қазыналы құтты мекен қайда бар
Қазағымның қасиетті жеріндей?!
Қазынама сұғын салған сұм қанша?..
Қазанымнан қайыр қанша, уланса?
Қайран менің қазағыма дəл қазір
Абылайдай арда туған ұл болса?!



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу