Өлеңдер ✍️

  20.10.2021
  100


Автор: Исраил Сапарбай

Қаланың түні – қара орман

Қаланың түні – қара орман,
Қаланың түні қоп-қою.
Қап-қара түнге қабарған
Өрт қою керек, өрт қою!
Өртенсін, жансын қара түн,
Жарыққа жарып бар маңай. –
Қапыда жарғақ қанатын
Қаға алмай қалған қарғадай.
Жалынның тілі жаланған
Шарпысын жанды, жараны.
Қасіреттен шашы ағарған
Қаралы сұлу – қаланы
Біз емес, бəлкім, хақ таныр,
Тіршілік тыным тапқанда.
Аспаннан саулап аппақ нұр
Жарасын жалап жатқанда...



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу