Өлеңдер ✍️
  20.10.2021
  102

Автор: Исраил Сапарбай

Таң көзінен тамды мұң

Таң көзінен тамды мұң,
Күнді күтіп қалды ма?..
Жау, жарықтық жаңбырым,
Ұқсап алтын жамбыға.
Жақсы болды-ау жауғаның –
Жастығымды ойға алдым...
Дала да – мұң, тау да – мұң,
Мен де мұңға айналдым.
Тіршіліктен түңілмей
Жабылмасын түндігім.
Табиғаттың күніндей
Көңіл, сен де мың құбыл.
Тағдырыма не дермін? –
Жарық күн жоқ жайнаған.
Аспаннан бұлт, менен мұң
Ауғанынша қай заман?..

  Исраил Сапарбай Исраил Сапарбай өлеңдері Исраил Сапарбай шығармашылығы таң көз мұң

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Бағдаттың ұқсай қалып сайқалына ᐈ
  Жезөкше ᐈ
  Ұятың – ақ бетіңнің қызылы еді ᐈ
  Күнәһар ᐈ
  Қыз-қырқынның қып-қызыл ішіндемін ᐈ

Пікір жазу