Өлеңдер ✍️

  20.10.2021
  143


Автор: Исраил Сапарбай

Қиял бәйтерегі

Аспан жақтан алғызған,
Жер қойнына салғызған,
Жүре келе көктеді
Жүрегімде жалғыз дəн.
Дарағым сол дəріптер,
Көңілің соқса, барып көр.
Қабағыңмен жылу бер,
Жанарыңмен жарық бер.
Найқалсын да тербелсін,
Етек-жеңін жел керсін.
Тамырлары жетіліп,
Жеті қабат жерге енсін.
Көкке бойы шаншылсын,
Атырабы аршылсын.
...Аяғыңның астында
Жапырағы жаншылсын.
Кеңге салып іргесін
Көктем сайын бүрлесін.
Ұшарына құзғындар
Ұя салып жүрмесін!..




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу