Өлеңдер ✍️
  20.10.2021
  525

Автор: Исраил Сапарбай

Қарағайға қарсы бұтақ біткенше

«Қарағайға қарсы бұтақ біткенше,
Еменге иір бұтақ бітсейші...»
Зауалың бастан асты ғой,
Заманым, соны күтсейші?
Еменнің тегі – Емен де,
Қарағай тегі – Бəйтерек.
Шерлінің шегі шеменге
Айналып кетсе қайтер ек?
Иірдің аты иір ғой,
Қиынның аты қиын ғой.
Кешігіп келген бір бақыт
Кетер ме бізге бұйырмай?..
Соны ойлап басты зеңіттім,
Заңымен арғы затымның –
Шідерлеп атын Желіктің,
Күдерілеп атын Ақылдың.

  Исраил Сапарбай Исраил Сапарбай өлеңдері Исраил Сапарбай шығармашылығы тал Емен Қарағай

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  «Шеңберден шық!» немесе Мұқағали мұраты ᐈ
  Тағдыр ᐈ
  Тағдырым-ай ᐈ
  Сенім ᐈ
  Ақынның қай кезде де ауыр жолы ᐈ

Пікір жазу