Өлеңдер ✍️

  19.10.2021
  217


Автор: Исраил Сапарбай

Қамап қойып ішіне тас қамалдың

Қамап қойып ішіне тас қамалдың,
Тағдырымды табанға тастаған кім?
Енді кімге айтамын арманымды? –
Мен өзімнен бүгінде басқа адаммын!
Екі тумақ пендеге ылайық па?
Оны кімнен –
Тəңірден сұрайық па?
Өз болмысын жоғалтқан бейшараны
Хақтан өзге бұйырмақ кім айыпқа?!
Таққа бола,
Таласқан баққа бола
Кімнің жаны жібиді жат балаға?
Кешіре гөр ұлыңды, Аппақ Ана,
Кешіре гөр құлыңды, Хақ тағала.



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу