Өлеңдер ✍️

  19.10.2021
  182


Автор: Исраил Сапарбай

Құдай берген ауруды емдетпедім

Құдай берген ауруды емдетпедім,
Адам деген атымды пенде етпедім.
Көбелекше елігіп көп қызыққа,
Ебелекше еркімді желдетпедім.
Бір мінезбен өтуді мақұл көрдім,
Ауызынан сөз аңдып ақылды елдің.
Бас бола ма ертең деп бір қауымға
Жас балаға жақсының атын бердім.
Алданса да сан рет аңғал басым,
Сенім болды серігім, жан жолдасым.
Жалған ауып,
Жарық күн түн болғанша
Аруақ қолдап,
Жолымды Алла оңдасын!..



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу