Өлеңдер ✍️
Өлеңдер ✍️
19.10.2021
118
Мінажат
Сарқылмағай мейірімің,
Айналайын, Алла.
Бізге деген бейіліңнің
Шегі, шеті барма?..
Жететіндей несібе бер
Ақыреттік жолға.
Күнəм болса, кешіре гөр,
Кешіре гөр, Алла.
Тəңірім деп табынайын,
Талабымды оңда.
Жарылқа деп жалынайын,
Құран ұстап қолға.
Жаза бассам құрығыңды
Мойыныма салма.
Жарық жалған – ғұмырымды
Жақсылыққа жалға.
Сақта дəйім бəлекеттен,
Тыныштық бер жанға.
Адамға тəн əрекетпен
Асығайын алға.
Әлеуметтік желілерде бөлісіңіз:
Facebook | VK | WhatsApp | Telegram | Twitter