Өлеңдер ✍️

  18.10.2021
  114


Автор: Исраил Сапарбай

Сенбеймісің

Сенбеймісің,
Жаным-ау, сенбеймісің?
Құм суырған құйын, я жел деймісің?
Күдігіңді бір жолға қоя тұрып,
«Тəуекел!» – деп қасыма келмеймісің?!
Сенбеймісің,
Жаным-ау, сенбеймісің?
«Сергелдең жан,
сенделген сең» – деймісің?
Алақанға қондырып алмаймын ба
Тəңірім маған жіберсе сендей құсын?!
Сенбеймісің,
Жаным-ау, сенбеймісің?
Көңілімді көл емес,
шөл деймісің?
Жақсы көрсең несіне жатырқайсың,
Құшағына қуанып енбеймісің?!



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу