Өлеңдер ✍️

  18.10.2021
  182


Автор: Исраил Сапарбай

Қасқыр қапқан қақпан сынды қала тар

Қасқыр қапқан қақпан сынды қала тар,
Етек-жеңi далақтаған дала қар.
Жанарыңнан Күн шуағы жамырап,
Кiрпiгiңдi көтергенше таң атар.
Тiршiлiктiң талақ тастап қамытын,
Қалғып кеткен қас арудай... əлi түн.
Ай бетiнде ұйып қалған ақ сүттей
Таңғы ұйқының тəттi бiлем дəмi тым.
Ұйықта, ұйықта,
Алаң болма, тағы ұйықта –
Қара түннiң қанатында қалықта!
... Ертең бiздер,
Ұйқың қансын-қанбасын,
Екi бөлек жатамыз ғой табытта...



Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу