Өлеңдер ✍️

Тəн лəззатын таба алмай, жан құмарын
Сан жұлдызға телмiрiп сандырадым...
Көзiңдегi көлiңдi сарқып iшiп,
Қашан ғана шөлiмдi қандырамын?
Талшыбығым,
Майысқақ талқұрағым,
Сенсiз қалай күн кешiп, қам қыламын?
Жалын құшып, жан-денем оттай ысып,
Балыңды iшiп тауыса алмай балбырадым.
Тоқтау бiлмей тоңмойын арғымағым,
Толқын-толқын сезiмдi жарға ұрамын!
Алып қашып барады əлдене күш
Қайтқызбай да айтқызбай арғы жағын...