Өлеңдер ✍️

  16.10.2021
  113


Автор: Дәркен Танабаев

Жүрсем де арман соңында....

Жүрсем де арман соңында,
Сағыныш едің бір өзің.
Жанымды менің баураған,
Күлімдеп айтқан әр сөзің.
Қайғырсам яки күлсем де,
Алыста жүрген еркесін.
Сезеді ана көңілі,
Қобалжып тұрар ертесін.
Сағындым апа, ауылды,
Өзіңді, бауыр, қауымды.
Елжіреткен жүректі ,
Жайдақ та жасыл тауымды.
Бозара атқан ақ таңды,
Күн күліп қарар қапталды.
Өзіңе келіп еркелер,
Уайымсыз өткен шақтарды.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу