Өлеңдер ✍️

«Тоқтайын ба!" — дейді маған жүрегім
(Ол тоқтаса, не боларын білемін...)
Сұлу қыздың дидарындай дүние-ау,
Не болады мен кеткен соң реңің?..
Сен тоқтарсың су құйғандай отқа, рас,
Сен тоқтарсың,
Өмір бірақ тоқтамас.
Сен бақытты о дүниеден іздейсің,
О дүниең бұ дүниеге — бақталас!
"Тоқтайын ба!" дейді маған несіне?!
Тоқтап қалған таулар түсті есіме.
Көшіп жатқан бүлттар түсті есіме,
Асау өзен ағып жатыр көсіле.