👈 қаріп өлшемі 👉

  Өлеңдер ✍️

  14.10.2021
  24


Автор: Исраил Сапарбай

Жаның қандай, айналайын, мөп-мөлдiр?!

Жаның қандай, айналайын, мөп-мөлдiр?!
Жанарыңа жалатқандай көктем нұр.
Құрдымда өлген өзендейiн, өзiңсiз
қанша күнiм,
қанша жылым өткен құр?..
Көңiлiң қандай тұнық едi, мөлдiрiм?!
Таң лебiмен қаққандайын көл дiрiл.
Қалтқысыз қамқор көздiң аясын
Қалай ғана байқамағам мен бұрын?
Ашылғаны осы ма екен маңдайдың –
Қолына кеп құсы қонған жандаймын.
Енгендей Күн құшағыма күлiмдеп,
Ендi өлмеймiн!
Өмiрiмдi жалғаймын!


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы