Өлеңдер ✍️

Шешiншi,
Тал бойыңды қызықтайын,
Жатқандай жапырағын үзiп қайың...
Тағатын құлағыңа сырға дайын,
Салатын саусағыңа жүзiк дайын.
Жо-жо-жоқ!
Керегi жоқ ештеңенiң!
Балқаймақ бəденіңдi қош көремiн.
Ес-түссiз қунап жатқан, тулап жатқан
Естиiн жүрегiңнiң кешкi əуенiн.
Лүп-лүп-лүп...
Қандай жұмсақ, мəп-мəйiн үн?!
Ару мен ақ қайыңда жоқ па айырым?
Кешiршi, айналайын, аңсарымды,
Шешiншi, айналайын, Ақ қайыңым!..
Шешiншi...
Жаным, күнiм, шешiн, шешiн...
Денеңде – дегбiр, дертiм,
Төсiңде – есiм...
Сыр суын сирағыммен кешкiм келдi,
Кешiрсiн, Жаппар ием, кешiрмесiн.
Шешiншi,
Не көрсек те бiр көрелiк!
Iбiлiс iз кессе де үндемелiк.
Анадан туған осы қалпымызбен
Қып-қызыл отқа оранған түнге енелiк!
Шешiншi, көкем...