👈 қаріп өлшемі 👉

  Өлеңдер ✍️

  10.10.2021
  59


Автор: Кәкімжан Қазыбаев

Дарханға

Дархан деген осы бір бала ма екен,
Туысынан жаралған дара ма екен.
Бүлініп мынау дүние тұрған шақта,
Бүтіндеп жөнге салар дана ма екен.
Ұйықташы Дарханым,
Саған үміт артамын,
Бейілін беріп халқыңның,
Кендігін жазсын арқаның.
Айналайын атыңнан Дархан деген,
Жамандықты көрмейік саған келген,
Ғасыр соңы болғанда қарттық жетіп,
Бақытпысың әлдебір маған келген.
Ұйықташы балдырған,
Сүйсе мейір қандырған,
Әйгілі болшы бірегей,
Кеудеде от жандырған.
Кіп-кішкентай аузың бар ашылатын,
Мінезін жоқ ұйқыны қашыратын.
Саған қарап аташың мәз болады,
Бола ма деп бір мықты бас құратын.
Ұйықта, Дархан, балашым,
Атаңнан не аласың?
Пұштиған ғана күшік-ау
Тәтті боп неге барасың.
Атаңнан не аласың?

1989 ж. сәуір


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы