Өлеңдер ✍️
Өлеңдер ✍️
30.09.2021
136
Қырық шырақтың бірі едің
Қырық шырақтың бірі едің,
Менің үшін маздаған.
Жүрегімде жыр едің,
Үзілмеген, жазбаған.
Жазбасам да көңілімде
Шырқап ылғи жүретін,
Әнім едің өмірімде
Өзіңмен әрім кіретін.
Таба алмайды жан арқау
Жүрегін мұң шымшыған.
Сазы салқын самарқау
Сыңар Аққу сыңсыған.
Қалаулым, ақ шырағым,
Тек мен үшін маздаған.
Енді жырдың шуағын
Қалай табам, жан Ғабам!
10.11.1997 жыл.
қырық шырақ Тұрсынхан Әбдірахманова Тұрсынхан Әбдірахманова өлеңдері Тұрсынхан Әбдірахманова шығармашылығы
Әлеуметтік желілерде бөлісіңіз:
Facebook | VK | WhatsApp | Telegram | Twitter