👈 қаріп өлшемі 👉

  Өлеңдер ✍️

  30.09.2021
  54


Автор: Тұрсынхан Әбдірахманова

Жасаңыз тұтас ғасыр

Ә. Нұршайықовтың жетпіске келген мерейтойына

Өрнектеп зерлеген соң сөз тазасын,
Зергер деп халқы берген өз бағасын.
Жеті асқар желіп асқан құттықтаймыз
Қазақтың көркем сөзінің Әзағасын.
Тереңнен тердің дағы шын асылын.
Даралап халқыңа тән ұнасымын.
Әркімге бұйырмайтын пәк сезімді
Саралап ғибрат дейтін шың асырдың.
Еліңнің Бауыржандай дара адамын,
Қорғаған ұлт намысын нар адамын
Көбіктен, көрмей үрген көпірмеден
Арылтып, ақиқатын сараладың.
Кетпейтін түймедейге асып-тасып,
Қалмайтын түйедейге мойып, жасып.
Көп кешкен сынық арба сырбаз мінез,
Келесіз ақырын жүріп анық басып.
Аяулы Халимаңмен қол ұстасып,
Қызығы ұл-қызыңның, болып нәсіп.
Асқарлар қалып жатсын басын иіп,
Жасыңыз тұтас ғасыр толып, тасып.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы