Өлеңдер ✍️

  30.09.2021
  100


Автор: Тұрсынхан Әбдірахманова

Жар салдым: «Сөйле, қалам!» деп

Жар салдым: «Сөйле, қалам!» деп
Қазағым, елім, далам деп
Қаламгерлерге арнадым
Болатын жәйің алан, деп.
Халықтың халы бүгінгі
Жүрекке түскен жараң деп
Емдемесе жара асқынар
Сарғайтар солып санаң деп.
Байлығың шетел қолында
Мұнай, мыс, уран, қолаң да
Телміріп жатқа көз сүзіп
Саудаға түсті балаң да.
Түгесілмес сұмдықтан
Сансырады санам да.
Саудаға салған сәбиін
Болды ма қоғам ғаламда.

18.06.2001 жыл.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу