Өлеңдер ✍️

  28.09.2021
  138


Автор: Тұрсынхан Әбдірахманова

Есінде болса деп ем ұрпақтардың

Ешкімнің ой түбіне жетпегенін,
Табағын тартпай тағдыр өтпегенін
Білсем де, шым батамын иірімге
Күн сөніп, құлардай-ақ кек дегенің.
Тірлікте түйінім көп шеше алмаған,
Құлаштап дария өмірді кеше алмаған
Кең тұсау, ұзын арқау болмай менде...
Өрісім толғандырады өсе алмаған.
Қорықпаймын бақиға мен барам-ау деп,
Жайнаған жарық дүние қалады-ау деп.
Тағдырға ризамын, тек, ойланам
Бір күні ұмыт болып қалам-ау деп.
Бәрінде азды-көпті жинақтардың
Оқушым, өзіңе аз-кем сыр актардым.
Балаған ұрпағыма ән мен жырым,
Есінде болса деп ем ұрпақтардың!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу