Өлеңдер ✍️

  20.09.2021
  117


Автор: Тұрсынхан Әбдірахманова

Әйел дейсің осалсынып

Әйел дейсің осалсынып,
Көңілің жұбап құр алдайсың.
Өзің және сол әйелсіз,
Бір күн өмір сүре алмайсың.
Тіліңнің бар уын төкпей,
Ажуа етпей жүре алмайсың.
Әйел тілі батып кетсе,
Отқа түскен жыландайсың.
Сөзің дәмі келмейтіндей,
Онсыз кеңес құра алмайсың.
Осыныңмен сен де әйелге
Жатқа білген құрандайсың,
Күні өткен құралдайсың.
Сен-ақ сөйле
мынау ұлы ел атынан,
Самалды тау, сахара жер атынан.
Мен ерекше атақ-даңқ бүркенбей-ақ
Қара халық арасын ала тұрам.
Аласа ма,
биік пе өз дауысым,
Көң шоқыған көп қарға арасында
Қырғи болып демеймін дара тұрам.
Менің үшін ұлы жоқ, биік те жоқ
Туған халқым ұсынған санатынан.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу