Өлеңдер ✍️

  20.09.2021
  107


Автор: Тұрсынхан Әбдірахманова

Күрті!

Күрті!
Сары қамыс.
Басында үлпілдек сары мамық үкі.
Сары құм,
Сексеуілді сортаң
Екен де қазақтың бұл да бір,
Ғажайып киелі, түйелі жұрты.
Маңғаз нар
Мамырлап маң басқан,
Жібектей шудасын шаң басқан
Нар ніл,
Нар тайлақ,
Нар іңген
Шұбала жайылып
Қырлардан алды асқан.
Асфальт жол...
Зырлайды машина
Көзімнен сан сурет ауысты.
Көңілім кезіп кең даламды,
Қиялым аралап тауысты.
Сәнді көш...
Түйелер тізбегі...
Аян сыр жүректе...
Алау таң жүздегі...
Сәйгүлік Су жорға
Шолпының сыңғыры таныс-ты
Ән болып менің тар кеудемде
Замандар,
Адамдар қауышты.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу