Өлеңдер ✍️

Қайысқан жері
болғаныменен жылқысы,
Баба қазақтың
аз бопты мүлде шырпысы.
Жалғыз шоқ қалып,
жана қалса егер бір үйде от
Бүкіл ауылда
жаныпты оттар дүрілдеп.
Көтерген мосы
бір үйден бір үй от алып,
Сұрамайды отты,
кейімейді алса қопарып.
От ала келген
қумайды араз, алысын,
Көпті айтып тұр-ау
ұғынсақ, достар, мәнісін!..
Бабалар көшкен
осылай өмір өткеріп,
Ошағынан да,
жанынан да үзіп от беріп.
Отыңның басын
маздатып шырақ жақса кеп,
Мәңгіге жаса
бабалар тұтқан жақсы әдет.