👈 қаріп өлшемі 👉

  Өлеңдер ✍️

  18.09.2021
  62


Автор: Тұрсынхан Әбдірахманова

Дейтінің де бар мені толқымалы

Дейтінің де бар мені толқымалы,
Қалай ғана толқымай ол тынады!
Көкірегімде күй жатыр теңіздейін
Басылмаған өр, асау толқыны әлі
Сол бір күйім көк жойқын толқымалы
Рахатқа жаныңды толтырады.
Үміттенбе үзеңгім үзілер деп,
Қайда барсаң алдында ол тұрады.
Ол тұрады алдында – мен тұрамын.
Құлағында құйқылжып толқыр әнім.
Қалайтының аташы қай мінезім,
Бәрін табам, олқынды толтырамын.
Дейтінің де бар мені толқымалы,
Қалай ғана толқымай ол тынады.
Көкірегімде күй жатыр теңіздейін
Басылмаған өр, асау толқыны әлі.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы