Өлеңдер ✍️
Өлеңдер ✍️
18.09.2021
123
Биік пенен аласа
Аласасыз биік жоқ,
Биіксіз жоқ аласа.
Мынау дүние бітіспес,
Қайшылығымен тамаша.
Неге құмар сонда осы
Адам біткен биікке?
Аласарған күні олар
Қалып жүр ғой күйікте.
Жұлдыз біткен ғарышта,
Төмен қарап ағады.
Жаның түлер жақсы ойды
Тек тереңнен алады.
Мәуелі бақ жемісі
Тола, төмен өседі.
Ақ қар асқар төсінен
Төмен қарай көшеді.
Биікпін деп бұлғақтау
Өткінші бір көңіл ғой...
«Тозбасты ұста соқпайды.
Жіберсеңіз өмірге ой.
Аласаның, биіктің
Бәрібір бар ақыры.
Аласармас сонда тек
Биік болған ақылы.
Биік емес, жармассақ
Жараспас па санаға?
Топырақта сары алтын
Танылмайша қала ма!
биік аласа Тұрсынхан Әбдірахманова Тұрсынхан Әбдірахманова өлеңдері Тұрсынхан Әбдірахманова шығармашылығы
Әлеуметтік желілерде бөлісіңіз:
Facebook | VK | WhatsApp | Telegram | Twitter