Өлеңдер ✍️

Адамның терлейтін сәті көп,
Өйткені ол шығар саты көп.
Құмырсқа пенденің өмірде
Тынымдар тыныш бір сәті жоқ.
Даңқ беріп, ұшырма жер-көкке,
Тақ беріп, биікке өрлетпе.
Адамдық ұжданнан аттатып,
Ұяттан тағдырым терлетпе.
Ризамын кейітсең, жылатсаң,
Түзелем, тұрамын құлатсаң.
Беттен от шығарып, тағдырым,
Тек қана терлетпе ұяттан.
Қияйын қымбатты өмірдей,
Табайын төзімді темірдей.
Тілерім өзіңнен, тағдырым,
Терлетпе ұяттан өлімдей.