Өлеңдер ✍️

  18.09.2021
  101


Автор: Тұрсынхан Әбдірахманова

Нәр

Мін дейсің ғой тұлғамның кішкенесі?
Бұлай түйер ақылының қысқа өресі.
Жұдырықтай қаршыға жүрегімен
Атанғанын білмейсің құс төресі.
Еңсесімен көк тіреп тұрған бар ма?
Бой үшін ат беріп пе бұлдап нарға?
Бойы биік болғанымен, денесі зор,
Бұлбұл үшін жораға жүрмес қарға.
Қыран бүркіт көп кіші түйе құстан,
Кім көріпті түйе құс ғарышқа ұшқан!
Түйір дейміз мәніне не сыймайды,
Кішкенеге ой жібер осы тұстан.
Жалғыз аяқ соқпақтан басталар жол,
Шығары көз, дарияның құяры көл.
Бір уыс деп айтамыз баста миды,
Қызметіне сәл ойлап назарың бол.
Жанды-жансыз біткеннің бәрінде бой.
Лайықты түр-тұлға бәрінде ғой.
Түйірдей деп ұғамыз нәр дегенді,
Гәптің бәрі сол түйір нәрінде ғой.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу